Hjá okkur ertu í öruggum höndum!

Securitas er eitt af fyrirmyndarfyrirtækjum VR í hópi stærri fyrirtækja árið 2012. Árlega veitir VR efstu fyrirtækjum í könnun sinni á fyrirtækjum ársins viðurkenningu fyrir frábæran árangur og útnefnir þau fyrirmyndarfyrirtæki. Við hjá Securitas erum stolt af því að hafa komist í hóp fyrirtækja ársins þriðja árið í röð.

Þessi nafnbót er okkur hvatning til að halda áfram á sömu braut og vinna staðfastlega eftir einkunnarorðum okkar sem eru: heiðarleiki, árvekni og hjálpsemi. Reynslan sýnir okkur að með því að starfa eftir þessum gildum þá erum við fyrirmyndarfyrirtæki.

Stjórn Securitas þakkar þennan árangur fyrst og fremst góðu starfsfólki.

Búið er að draga í Kreditkortaleik Securitas en í pottinum voru allir viðskiptavinir sem settu greiðslur á kreditkortið sitt fyrir 1. apríl síðast liðinn. Það var Lára Björnsdóttir sem var sú heppna að þessu sinni og hlýtur hún í verðlaun ferð til Dublin, flug og gistingu fyrir tvo í fjórar nætur með Úrvali Útsýn.

Securitas verður í Kringlunni um helgina!

Dagana 23.–25. mars verður Securitas með bás á fyrstu hæð Kringlunnar.

Komdu og heilsaðu upp á okkur. Við förum yfir öryggismál heimilisins með þér. Vilt þú breyta einhverju í uppsetningu eða stillingum á kerfinu þínu? Þarftu kannski að láta uppfæra slökkvitækin? Hverjar svo sem þínar þarfir eru þá verður gaman að hitta þig og færa þér öryggisljós Securitas að gjöf.

Viltu vinna ferð til Dublin fyrir tvo með Úrvali Útsýn?

Viðskiptavinir sem setja greiðslur til Securitas á kreditkortið sitt fyrir 1. apríl komast í pott og geta unnið ferð til Dublin, flug og gistingu fyrir tvo í fjórar nætur með Úrvali Útsýn. Gist er á Hótel Maldron, fjögurra stjörnu hóteli.

Dregið verður úr pottinum 2. aprílog haft samband við vinningshafann sama dag. Gakktu frá málinu fyrir 1. apríl og þú gætir unnið ferð til Dublin fyrir tvo með Úrvali Útsýn. Dregið verður úr hópi allra viðskiptavina sem nota þennan greiðslukost.

• Þú losnar við sérstakt seðilgjald
• Þú greiðir alltaf á réttum tíma
• Einföld greiðslutilhögun
• Þú safnar fríðindapunktum af kreditkorti

Hafðu samband í síma 580 7000 og við göngum frá því í sameiningu að færa mánaðargjaldið inn á kreditkortið þitt.

Búið er að draga þrjá heppna einstaklinga úr Kjarnahópi Securitas en dregið er mánaðarlega. Þeir heppnu sem dregnir voru úr febrúarpottinum voru: Herdís Rán Magnúsdóttir, Friðrik M Friðleifsson og Björn Svanur Víðisson. Þau hljóta að launum gjafabréf fyrir tvo í baðstofu Lauga Spa.

Öryggismál fyrirtækja og stofnana eru mörgum ofarlega í huga í kjölfar alvarlegrar hnífstunguárásar á lögmannsstofu á mánudag. Mikið var að gera hjá Securitas í gær en Securitas sinnir öryggisgæslu fyrir margar lögfræðistofur og fjármálafyrirtæki. Að sögn Guðmundar Arasonar forstjóra óskuðu nokkur innheimtufyrirtæki og lögfræðistofur eftir að fá öryggisverði á skrifstofur sínar og höfðu margir aðrir samband vegna öryggismála sinna í gær. Guðmundur vildi koma góðri kveðju á framfæri við þá sem urðu fyrir barðinu á árásinni með von um að þeir nái fullum bata sem fyrst.

Atburðurinn hefur skiljanlega verið mikið í fréttum og fjallað um þessi mál á mbl.is á www.visir.is  og á Fréttablaðinu. Einnig er fjallað um málið á blaðsíðu Morgunblaðsins í dag á bls. 6, sjá hér.

Meðfylgjandi mynd er fengin að láni þaðan, Morgunblaðið/Golli

Hægt er að nálgast frekari hugleiðingar um öryggismál og hvað er til ráða frá Guðmundi á Securitasblogginu